Påverka – Episode 1

Kva skjer når vi lar algoritmar definere verdien vår? 

I denne episoden møter vi André, Elias og Lisa, tre unge menneske som alle har mista fleire år til eteforstyrringar, men som no brukar stemma si for å skape openheit. Felles for dei er at sjukdommen vart forverra og forsterka av sosiale medium. Historiene deira viser at eteforstyrringar kan ramme på heilt ulike måtar uansett kjønn, alder og kropp. 

Saman med leiande ekspertar avdekker dei korleis sosiale medium påverkar sjølvbiletet vårt og kunstig intelligens manipulerer oss. 

Refleksjon og diskusjon

  • 1.

    Lag to kolonnar på tavla, øvst i den eine kolonnen teiknar de eit raudt flagg og i den andre eit grønt flagg.

     

    A. Kvakjenneteiknar positivt innhald på sosiale medium?

     

    B. Kvakjenneteiknar negativt og skadeleg innhald på sosiale medium?

     

    Gjer oppgåva i plenum. 

  • 2.

    Sosiale medium tener pengar på informasjon om oss og at vi brukar tenesten mest mogleg. Profesjonelle aktørar som bedrifter og influensarar brukar sosiale medium som marknadsføringskanalar. Skiljet mellom det private og profesjonelle er ofte uklart. Appane informerer ikkje om korleis dei er innretta gjennom algoritmar for å påverke deg.

     

    A. Nemn mekanismar på sosiale medium (TikTok, Instagram, Snapchat, Discord, Twitter, Facebook, YouTube) som gjer at vi blir verande eller skrollar lenger enn planlagt.

     

    B. Kva for nokre opplysningar delar vi om oss sjølve på sosiale medium, kven har tilgang til opplysningane og korleis kan dei utnytta opplysningane?

     

    C. Korleis kan sosiale medium vere gratis, medan bedriftene bak tener enorme summer?

     

    D. Om du måtte betale månadsabonnement for å bruke sosiale medie-appane, ville du betalt eller slutta å bruke appane?

     

    E. Kvifor trur du at det blir laga teknologi som ønsker å få oss til å ikkje vere nøgde med den vi er?

     

    F. Kva meiner vi med uttrykket “kaninhull”?

     

    G. På slutten av filmen blir det gitt gode råd om korleis vi kan få eit godt sjølvbilete og vere våre «fremste allierte». Kva for råd var det?

     

    H. Påslutten av filmen snakkar dei om foreldras rolle knytt til å regulere sosiale medium. Korleis kan de påverke foreldre og andre vaksne til å bli betre førebilete?

     

    Gjennomfør oppgåva i plenum. 

Praktisk

  • 1.

    Vel ein bok på biblioteket som engasjerer deg. Set mobilen på lydlaus, legg han med skjermen ned eller i anna rom og les.

     

    A. Kor lenge klarer du å lese før du føler at du må sjekke mobilen?

     

    B. Let du deg distrahere av noko anna?

     

    C. Prøv gjerne fleire gonger i løpet av ei veke og noter tida kvar gong.

     

    Oppgåva kan de gjera som heimelekse, levera skriftleg og diskutera resultata i plenum.

  • 2.

    Skriv ei "feed-dagbok" i ei veke. Sjå på ein feed 5 minutt kvar dag og konsentrer deg på ein kritisk måte om kvar post du ser.

     

    A. Noter i tre kolonnar: «ekte», «falsk» og «uklar».

     

    B. Skriv kor mange postar du trur er 100% ekte og ærlege, kor mange du trur er falske eller prøver å selje deg noko, og kva postar som er uklare.

     

    C. Oppsummer kor mange som er i kvar kolonne. Vel ut 3 av postane som er uklare og særleg vanskelege å tolke, drøft skriftleg kvifor.

     

    Oppgåva kan de gjera som heimelekse, levera skriftleg og eventuelt anonymt.