Bioenergi
Bioenergi er energien som frigjerast når vi forbrenner materiale frå plantar eller dyr. Truleg er bioenergi den mest brukte energiforma på jorda. I mange tusen år har vi menneske laga mat og varma oss ved bålet, og den dag i dag har om lag halvparten av jorda sin befolkning biomasse som sin viktigaste kjelde til oppvarming og matlaging.
Trebrikettar, torv, søppel og hushaldningsavfall kan utnyttast i langt større grad enn i dag, for eksempel i fjernvarmeanlegg. Energien som blir skapt i slike fjernvarmeanlegg kan brukast til oppvarming av bustader eller som drivstoff i bussar og bilar.