Klimafilm
Korleis endrar klimaet seg? Kan vi stole på klimaforskarar? Kva tiltak verkar, og korleis kan vi tilpasse oss? Klima er eit stort og viktig tema som spenner over eit breitt spekter av fag. Samfunnet vil møte mange utfordringar knytt til klimaendringane, og alle vil bli påverka på ein eller annan måte. Difor er det viktig med kunnskap og engasjement om klima og klimaendringar.
Klimafilm.no består av filmar og tilhøyrande ressursar med oppdatert og forskingsbasert kunnskap om klima. Kvar film har ei lengd på 8–10 minuttar og har eit tydeleg tema. Filmserien dannar til saman eit heilskapleg bilete av fagfeltet. Filmane er dubba til kurmanji, sorani, arabisk og somali som støttespråk for elevar med minoritetsspråk. Det finst òg ein engelsk versjon.
Målgruppa er elevar og lærarar på ungdomssteget og i vidaregåande skule. Filmane og dei tilhøyrande ressursane dekkjer kompetansemål for faga naturfag, samfunnsfag, geografi, geofag, biologi, teknologi og forskingslære (ToF), norsk og KRLE. Læringsressursen vart produsert i 2012.