I denne filmserien kan du sjå korte filmar om nabospråkene dansk, svensk, færøysk og islandsk, samt vårt eige språk norsk. Du kan lære om likheiter og forskjellar mellom språka, få kjennskap til typiske ord og uttrykk for kvart språk og få lytteforståing av dansk, svensk og norsk tale.
Her er ei liste med tips om andre nettstader og ressursar til bruk i nabospråksundervisninga:
Den mest omfattande ressursen om språk, litteratur og kultur i Norden. Det er Foreningane Nordens Forbund som står bak nettstaden. Her finn du tekstar, filmar, spel, songar, litterære analyser, språkhistorie, moglegheiter til å etablere vennskapsklasser i Norden og mykje, mykje anna.
ISLEX er ei gratis nettordbok der du kan søkje på islandske, danske, svenske og norske (bokmål og nynorsk) ord.
Nordspråk er ei organisasjon som består av representantar for nordiske morsmålslærarforeningar og foreningar for undervisere i nordiske språk som framandspråk.
Nettstaden rettar seg mot lærarar som ønskjer å gjere undervisninga om nabospråk, og det nordiske, meir fengjande for elevane i grunnskolen i Norden. Det vert arrangert jevnleg kurs for lærarar.
Foreningen Norden organiserer enkeltpersonar, skular, bibliotek, kommunar og organisasjonar som vil styrke og utvikle den nordiske samhalden.
Denne filmserien er ein del av nettstaden nordiskesprak.net som skal gi lærarar eit enkelt, fleksibelt og spennande redskap til å arbeide med forståing av nordiske språk i undervisninga. På Nordiske språk finst ressursen i sin heilskap på bokmål, nynorsk, dansk og svensk.
Nordiske språk var ein av to vinnarar i konkurransen som Nordisk Ministerråd utlyste i 2010 om å utvikle gode språkverktøy for å auke forståinga av svensk, dansk og norsk hos barn og unge.
Ein egen faggruppe har fulgt prosjektet frå oppstart til ferdigstilling. Medlemmene i denne faggruppa har vore:
I tillegg har professor Arne Torp ved Universitetet i Oslo bidratt med faglege innspel både til innhaldet i filmane og ikkje minst norrøn skrift og tale. Bodil Aurstad i Nordisk Sprogkoordination har også vore hjelpsam med både faglege og administrative råd.