Kvensk og finsk for 8.-10. trinn

Nuoret er eit filmbasert digitalt læremiddel i faget kvensk eller finsk som andrespråk. Læremiddelet inneheld 18 episodar, der 2 episodar er interaktive. Filmane har ei samanhengande forteljing, og vi anbefaler at episodane vert viste kronologisk. Kvar episode har 15 tilhøyrande oppgåver som lærar og elevar går gjennom i klassen. Episodane har kvensk, finsk og norsk undertekst tilgjengeleg. Finsk og norsk kan du velje i videospelaren (CC). Film med kvensk undertekst finst i lenkje under videospelaren. Manus på kvensk, finsk og norsk ligg nedlastbart under «lærarrettleiing» på kvar episode. Finske oppgåver og manus ligg nedanfor dei kvenske.

Se lærerveiledning (kvensk) for oppgavesvar og utfyllende informasjon.

Se lærerveiledning (finsk) for oppgavesvar og utfyllende informasjon.

Det er nyttig å bruke eit fast oppsett for undervisninga knytt til kvar episode. Vi anbefaler at lærar nyttar heile eller delar av følgjande oppsett:

1. Førebuing før filmvisning
   • Førutseiingar: Be elevane gjette kva episoden kan handle om basert på tittel, episodebeskriving eller tidlegare episodar.
   • Diskusjon om tema: Spør elevane om dei har erfaringar eller tankar rundt temaa som skal takast opp i episoden.
   • Ord- og uttrykksførebuing: Del nokre nøkkelord eller uttrykk som kan dukke opp i episoden. Be elevane prøve å finne tydinga under visninga. Nøkkelorda kan læraren finne i manuset til episoden.
   • Mål: Skape forventning og engasjement hos elevane

2. Under filmvisning       
   • Aktiv lytting og observasjon: Be elevane følgje nøye med på bestemte element. Det kan vere dialogar, kroppsspråk, stemningar, symbol eller karakteranes utvikling.
   • Notat: Elevane bør ta korte notat om viktige hendingar, karakterutvikling eller språklege uttrykk som er interessante eller ukjende.
   • Gjentaking: Episoden kan spelast av igjen for å få auka utbytte; vel gjerne ein anna variant av undertekst enn han som vart brukt under fyrste avspeling. Dette hjelper til med å oppretthalde konsentrasjon og forståing.
   • Mål: Styrke observasjonsevne og konsentrasjon

3. Etter filmvisning
   • Oppsummering: Be elevane diskutere i grupper kva episoden handla om, kva konfliktar eller tema som vart presentert, og korleis dei vart løyst (eller ikkje). Her kan elevane bruke sine eigne notat og tankar frå før visninga.
   • Karakteranalyse: Fordjup dykk i ein eller fleire karakterar. Korleis har karakteren utvikla seg i episoden? Korleis påverkar karakterens handlingar andre? Kva trur elevane er motivasjonen bak desse handlingane?
   • Temadiskusjon: Kva tema vart tekne opp? Korleis relaterer desse temaa til ungdomane sine eigne liv og erfaringar.
   • Mål: Reflektere, analysere og anvende kunnskap

4. Evaluering og refleksjon
   • Tilbakemelding: Gje elevane moglegheit til å gje tilbakemelding på kva dei meiner om arbeidsmåten. Kva fungerte bra? Kva kunne vore gjort annleis?
   • Sjølvevaluering: La elevane vurdere eigen innsats. Korleis har dei sjølve utvikla sine ferdigheiter?
   • Mål: Lære av prosessen og forbetre ferdigheiter

Nuoret er eit læremiddel som utviklast vidare, og vi vil gjerne ha tilbakemeldingar frå lærarar. Send e-post med dine innspel til marianne.kleven@leidar.com.