6. Pappesker

Aarons pappa ber Aaron om å kome i gang med å pakke, og spør om han har fortalt det til venene sine enno? Aaron vert irritert. Samtidig kjem Eeva på besøk og oppdagar pappesker når ho kikkar inn. Aaron prøver å ringe henne, men Eeva er ikkje interessert. I det fjerne høyrast sirener.

Episoden har kvensk, finsk og norsk undertekst tilgjengeleg. Finsk og norsk kan de velje i videospelaren (cc). Film med kvensk undertekst finst i lenkja under videospelaren.

Lærarrettleiing kvensk

Sjå lærarrettleiinga på framsida av læremiddelet for meir informasjon om gjennomføringa av undervisningsopplegget for denne episoden. Manus på kvensk og kvensk/bokmål kan de laste ned her:

Kvensk dialogmanus episode 6

Kvensk og nynorsk dialogmanus episode 6

Lærarrettleiing finsk

Sjå lærarrettleiinga på framsida av læremiddelet for meir informasjon om gjennomføringa av undervisningsopplegget for denne episoden. Manus på finsk og finsk/bokmål kan de laste ned her:

Finsk dialogmanus episode 6

Finsk og nynorsk dialogmanus episode 6

6. Pappesker

Oppgåver kvensk

Har Aaron sagt til venegjengen at han skal flytte?

Kva er det faren til Aaron leverer på rommet til Aaron?

Kva er det første ordet i songen som Aaron set på?

Eeva ser flytteesker gjennom vindauget hos Aaron, på den eine eska står det "köökitavaraa." Kva betyr det?

Kva husnummer er det på huset til Aaron?

Aaron seier til pappaen sin, "heitä pois, pappa." Kva betyr det?

Korleis er vêret i filmen?

Er det nokre kvenske symbol i filmen?

Reflekter rundt kva kvenske symbol unge kvener kan bruke i dag, og kvifor desse kan vere viktige for kvensk identitet.

I filmen høyrer Aaron på radio. Etter songen snakkar ein mannleg radiostemme. Lytt til denne røysta, er det noko du legg merke til med uttalen?

Teksten til songen som Aaron lyttar til finst i lærarrettleiinga. Songen heiter "Kadonu loru (Den forsvunne regla)", les teksten og øv på uttale. Hugs lang vokal!

På radioen snakkar ein forfattar om boka si inspirert av gamle brev. Finn eit kvensk dikt eller rim på nett eller i ei bok. Omsett det og les det for klassen eller læraren.

Aaron byrjar på ei melding til "Aaroni Roikale - mie piđän siirttyyt toisheen paikkhaan ja mie vihhaan sitä...". Kven er meldinga til og kva står det i meldinga?

Kvifor trur du at Aaron har venta så lenge og ikkje fortalt vennene sine at han skal flytte? Diskuter to og to eller i gruppe.

Korleis reagerer Eeva når ho ser flytteeskene heime hos Aaron, og kvifor trur du ho reagerer slik? Prøv å svare på kvensk.

Lærarrettleiing kvensk

Oppgåver finsk

Har Aaron sagt til venegjengen at han skal flytte?

Kva er det faren til Aaron leverer på rommet til Aaron?

Kva er det første ordet i songen som Aaron set på?

Eeva ser flytteesker gjennom vindauget hos Aaron, på den eine eska står det "keittiökaluja", kva betyr det?

Kva husnummer er det på huset til Aaron?

Aaron seier til pappaen sin "lopeta, isä". Kva betyr det?

Korleis er vêret i filmen?

Er det nokre kvenske symbol i filmen?

Reflekter rundt kva kvenske symbol unge kvener kan bruke i dag, og kvifor desse kan vere viktige for kvensk identitet.

I filmen høyrer Aaron på radio. Etter songen snakkar ein mannleg radiostemme. Lytt til denne stemmen, er det noko du legg merke til med uttalen?

Teksten til songen som Aaron lyttar til finst i lærarrettleiinga. Songen heiter "Kadonu loru (Den forsvunne regla)", les teksten og øv på uttale. Hugs lang vokal!

På radioen snakkar ein forfattar om si bok inspirert av gamle brev. Finn eit finsk eller kvensk dikt eller rim på nett eller i ei bok. Omsett det og les det for klassen eller læraren.

Aaron begynner på ei melding til "porukalle - minun täytyy muuttaa toiselle paikkakunnalle, ja minä vihaan sitä….". Kven er meldinga til og kva står det i meldinga?

Kvifor trur du at Aaron har venta så lenge og ikkje fortalt venane sine at han skal flytte? Diskuter to og to eller i gruppe.

Korleis reagerer Eeva når ho ser flytteeskene heime hos Aaron, og kvifor trur du ho reagerer slik? Prøv å svare på finsk.

Lærarrettleiing finsk