Kjøtt- Frå råvare til produkt

Denne filmen viser eksempel på korleis kjøtt blir produsert industrielt i dag. Ved å følgje prosessen frå kua på beitet til kjøttet blir lagt i butikkhylla, blir mange av arbeidsoppgåvene i kjøttfaget skildra.
Innan restaurant- og matfag kan ein ta følgjande fagutdanningar knytt til kjøtt: industriell matproduksjon, kjøttskjærarfaget, butikkslaktar, slaktar og pølsemakar.

Oppgåver

  • 1.

    Korleis kan dei som arbeider innanfor kjøttfaga bidra til at vi som forbrukarar får trygge kjøttprodukt?

  • 2.

    Kva faktorar vil påverke haldbarheita til produkta?

  • 3.

    Korleis kan kvaliteten på produkta kontrollerast? Kvifor er desse kontrollane så viktige?

  • 4.

    Beskriv kva toknivsmetoden går ut på.

  • 5.

    Kvifor er bedøving av dyra så viktig i slakteprosessen?

  • 6.

    Kvifor er det ulike bruksområde for dei ulike stykningsdelane av storfe?

  • 7.

    Kva eigenskapar er det som avgjer kva dei ulike delane er eigna til?

Fordjupningsoppgåver

  • 1.

    Korleis vil du vurdere kvaliteten på kjøtt? Tenk på faktorar som gjeld ernæring og kosthald, mikrobiologi og hygiene, spiseoppleving og teknologisk kvalitet.

  • 2.

    Finn ut kva ulike mørningsmetodar som blir nytta på storfekjøtt, og forklar kva som skjer i mørningsprosessane. Eventuelt kan du illustrere prosessane.

  • 3.

    Eit fenomen ein ynskjer å unngå er såkalla stresskjøtt. Kva er stresskjøtt? Kvifor og korleis oppstår dette? Kva har kjøttbransjen gjort for å redusere denne utfordringa?

Fagtekst

Fagtekst bokmål

Fagtekst nynorsk

Omgrep

Teknologisk kvalitet: Eit omgrep som handlar om kor eigna eit produkt er i produksjon. Når det gjeld kjøtt som skal nyttast til farseproduksjon, kan det vere snakk om kjøttet si vassbindingsevne.
Sensorisk kvalitet: Eit omgrep knytt til smak, lukt og konsistens, enkelt forklart det vi opplever når vi bruker våre ulike sansar.
Hygienisk kvalitet: Innhaldet av mikroorganismar og andre forureiningar i råvarene.

Ressursar

Nortura – et samvirke mellom tidligere Gilde Norsk Kjøtt BA og Prior Norge BA
Matprat.no – nettressurs drevet av Opplysningskontoret for egg og kjøtt

Læreplan

Matfag vg2

Råvarer, produksjon og kvalitet

  • drøfte matfag si rolle i samband med kosthald, ernæring og levevanar og gjere greie for tiltak som kan betre folkehelsa
  • vurdere kvaliteten av råvarer, hjelpestoff og tilsetjingsstoff
  • velje produksjonsmetode og råvarer i samsvar med resept og produktbeskriving
  • vurdere og kontrollere kvaliteten under produksjonsprosessen og i ferdig vare
  • gjere greie for dei endringane som skjer med råvarer under lagring og i produksjonsprosessane
  • forklare korleis ulike råvarer og produksjonsprosessar påverkar næringsinnhaldet i produkta