Plussprodukt

Denne filmen viser korleis mest mogleg av ulike råvarer kan utnyttast til ulike produkt. Det nokon vil betrakte som eit avfallsprodukt, kan for andre vere ein verdifull råvare. Sentrale omgrep i filmen er bærekraftig utvikling, råvareutnytting, biprodukt, plussprodukt og avfallshandtering.

Oppgåver

  • 1.

    Kva meiner ein med omgrepet bærekraftig utvikling? Gi døme på kva bærekraftig utvikling kan innebære innan matbransjen.

  • 2.

    Kva trur du er bakgrunnen for at nokre bedrifter vel å bruke omgrepet plussprodukt i staden for omgrepet biprodukt?

  • 3.

    Gi andre døme på biprodukt enn dei som nemnast i filmen.

Fordjupningsoppgåver

  • 1.

    Besøk ein matprodusent i ditt nærområde og finn ut kva dei gjer med det som blir til overs i ulike trinn i produksjonsprosessen. Spør om det er noko av det som blir svinn i denne produksjonslinja kan utnyttast i andre produksjonar. Prøv òg å finne ut litt om kvifor det er så viktig å ha minst mogleg svinn i produksjonen.

  • 2.

    Lag eit skjema for å registrere svinn før neste praktiske produksjon. I dette skjemaet skal du ha plass til å registrere svinn på ulike trinn i prosessen, som for eksempel reinskjæring, skrelling, koke- og steikesvinn, rester i utstyr, smaksprøver, produkt tapt på golvet osv. Lag ei kolonne i skjemaet ditt der du kan komme med forslag til korleis svinnet kan reduserast eller utnyttast i andre produkt. Kva er viktig viss «svinnet» skal brukast som råvare i ein annan produksjon?

Omgrep

Spesifisert risikofylt materiale (SRM): Dette er eit omgrep som kom inn etter hendingane med kugalskap på 1990-talet. Det som blir rekna som SRM-avfallet er dei delane av slaktet som vert vurderte som ei mogleg smittekjelde for kugalskap (storfe) eller skrapesjuke ( sau), til dømes kraniet, ryggraden, mandlane og delar av tarmane.

Destruerer eller destruksjon: Å bryte ned, øydelegge eller utslette materiale.

Ressursar

Norsk Protein AS – en bedrift som tar imot biprodukter fra slakterier og skjærebedrifter

Læreplan

Matfag Vg2

Råvarer, produksjon og kvalitet

  • vurdere produksjonsmetodar og produkt mot etiske prinsipp og samfunnsmessige utfordringar, krav og rammevilkår

Bransje, fag og miljø

  • gjere greie for rammevilkåra til dei ulike bransjane
  • bruke relevante faguttrykk
  • drøfte bransjane sin påverknad på det ytre miljøet og gjere miljøbevisste val ved produksjon og avfallshandtering
  • drøfte etiske problemstillingar knytte til produksjon og sal av mat og drikke