I denne filmen ser vi nokre av vegar melka kan ta frå ho forlet kua og fram til vi finn ferdige meieriprodukt i butikken. Filmen forklarer grunnleggande melkebehandling som separering, pasteurisering, homogenisering og standardisering. Melkeprodukt som smaksett melk og tørrmelk blir òg omtala. I dag er det meste av meieriproduksjonen automatisert, og dette gjer at fagarbeidaren no har andre oppgåver enn tidlegare.
Lettbedervelig produkt: Eit matprodukt som kan øydeleggjast og bli helseskadeleg om vi ikkje behandlar og oppbevarer det rett.
Råmelk: Melk direkte frå kua og før pasteurisering.
Separering: Å skilje skumma melk og fløte ved hjelp av sentrifugalkrafta i ein sentrifuge (separator).
Standardisering: Skumma melk og fløte blir blanda slik at ein får ønskt feittinnhald.
Homogenisering: Ein fysisk prosess der feittkulene i melka blir så små at feittet blir jamnt fordelt i melka. Då unngår ein at fløten flyt opp og dannar eit fløtelag.
UHT-behandling (ultrahøytemperatur): Varmebehandling til ca. 140°C i 4–5 sekund. Produktet når då ein temperatur slik at både levande bakteriar og eventuelle bakteriesporer øydeleggjast, og ein får eit tilnærma sterilt produkt med lang haldbarheit.
Denaturering: Endring av proteinstrukturen ved varmetilføring eller kjemisk påverknad.
Melk.no – Opplysningskontoret for meieriprodukter
Allergi og intoleranse – fra Tine.no
Matportalen.no – informasjon om mat og helse fra offentlige myndigheter
Råvarer, produksjon og kvalitet