Noreg – verdas fremste sjømatnasjon

Denne filmen tek for seg følgjande:

  • Noregs føresetnader som sjømatprodusent.
  • Verdien av sjømatproduksjonen i Noreg
  • Globaliseringa av sjømatbransjen
  • Betydinga av forskings- og utviklingsarbeid
  • Nye produkt frå bioprospektering
  • Sjømatfaget som ei framtidsretta næring

Oppgåver

  • 1.

    Kva grunnar kan det vere til at Noreg er ein leiande sjømatnasjon?

  • 2.

    Kva er det som gjer norsk sjømat til eit merkevare som er annleis enn sjømat frå andre land?

  • 3.

    Kva yrkesmoglegheiter fins innan sjømatnæringa? Kva yrkesplanar har du?

  • 4.

    Søk på «oppdrettslaks» i ei nettavis. Kva nyheiter kjem opp? Kva handlar dei om?

Fordjupningsoppgåve

Ressursar

Omgrep

Marin ingrediensindustri: Industri som tek vare på og foredlar marint restråstoff som vanlegvis ikkje går til konsumprodukt.

Protein: Fellesnemning for ei stor gruppe nitrogenhaldige stoff som finst i alle organismar der dei tek vare på ei rekkje livsviktige oppgåver. Protein blir òg kalla eggekvite.

Bifangst: Bifangst er fangst av artar ein eigentleg ikkje var ute etter då ein skulle fiske, men som òg kan omsetjast. Til dømes at eit fartøy fiskar med garn og får pigghå i garnet.

Bioprospektering: Bioprospektering er å utnytte gen og biokjemikaliar frå naturen til beste for menneske. Desse blir kartlagde for å finne ut om dei har effektar som til dømes kan utnyttast i nye medisinar eller til å forbetre produkt eller prosessar innan næringsmiddelindustri, farmasøytisk eller kjemisk industri.

Eksportverdi: Verdien av varer som blir selde til utlandet.

Læreplan

Sjømatproduksjon Vg3/opplæring i bedrift

Bransje, bedrift og miljø

  • Vurdere kva bransjen har å seie for samfunnet lokalt, nasjonalt og internasjonalt.
  • Drøfte utviklinga og organiseringa av bedrifta og kva rammevilkår og faktorar som kan påverke dei økonomiske resultata.

Sjømathandlarfaget Vg3/opplæring i bedrift

Bransje, bedrift og miljø

  • Vurdere kva bransjen har å seie for samfunnet lokalt, nasjonalt og internasjonalt, drøfte utviklinga og organiseringa av bedrifta, og kva rammevilkår og faktorar som kan påverke dei økonomiske resultata.