Sushi på norsk

Denne filmen tar for seg følgjande punkt:

  • sushi som mattrend
  • sushiens opphav
  • framveksten av sushimarknaden i Noreg
  • rå fisk og matsikkerheit
  • kva råvarer som eignar seg til sushi

Oppgåver

  • 1.

    Kva kvalitetskrav stillast til sjømat som skal brukast til sushi?

  • 2.

    Korleis vil du jobbe for å sikre at produksjon av sushi tilfredsstiller gjeldande hygienekrav?

  • 3.

    Kva gjer det mogleg at rå oppdrettslaks frå Noreg kan brukast til sushi utan å fryse det ned fyrst?

  • 4.

    Korleis vil du behandle sjømat som skal brukast til sushi eller sashimi?

  • 5.

    Kva råd vil du gi ein kunde som lurer på kva fisk og kva skalldyr han skal velje til sushi?

  • 6.

    Kva fiskeslag ville du sjølv likt å prøve på sushi eller som sashimi? Grunngje vala dine.

Omgrep

Futomaki: Ein stor makirull, gjerne med mange ingredienser i fyllet.

Gari: Syltet ingefær. Brukast som ein frisk munnrenser mellom sushibitene.

Gunkan: Ein liten nigiri med nori rundt, ofte fylt opp med rogn av laks eller kråkebolle.

Hosomaki: Ein tynn makirull med kun éin ingrediens som fyll i risen.

Kazari: Makirull der risen og fyllet er kreativt utforma som små kunstverk, gjerne i fleire lag.

Maki: Rull av nori, fylt med ris og sjømat eller anna fyll i midten. Finnes i fleire variantar.

Naruto: Ein rull av særdeles tynt skoren agurk, fylt med sjømat og avokado. Uten ris og nori.

Nigiri: Ein liten, avlang, risball med ein skive fisk, eller annan topping plassert oppå.

Nori: Tørka ark av tang. Brukast hovudsakleg til dei ulike rullene, og kan også brukast som garnityr.

Sashimi: Skiver av fisk, servert anten åleine, eller med ris, salat eller anna grønt ved sidan av.

Sushi: Eit samlebegrep som omfattar alle variantane, men ordet kjem frå den eddikmarinerte risen.

Temaki: Eit lite kremmerhus av nori, fylt med ris og sjømat, også kalla handroll.

Temari: Nigiri forma som ei kule.

Uramaki: Ein makirull der risen ligg ytterst, og noriarket ligg gjemt inn mot fyllet.

Wasabi: Ein sterk krydderpasta. Opphavleg frå den japanske wasabi-planten, men vert i dag som oftast laga av pepperrot, sennep og fargetilsetning.

Ressursar

Læreplan

Sjømatproduksjon Vg3/opplæring i bedrift

Råstoff og produksjon

  • Velje råstoff og produksjonsmetode i samsvar med produktomtale og gjere greie for endringar som skjer under lagring.
  • Lage ulike produkt og lokale spesialitetar.
  • Slipe og halde ved like knivar og anna handverktøy.

Hygiene og kvalitetsstyring

  • praktisere personleg hygiene og produksjons- og næringsmiddelhygiene etter gjeldande regelverk
  • utføre arbeidet i samsvar med gjeldande regelverk for kvalitetsstyring
  • forklare og følgje prinsippa for merking og sporing

Sjømathandlarfaget Vg3/opplæring i bedrift

Råstoff og produksjon

  • Planleggje, gjennomføre, vurdere og dokumentere produksjon og sal av sjømat.
  • Tilverke sjømat til ferdigretter og koke-, steikje-, grille-, bake- og eteklare retter.

Hygiene og kvalitetsstyring

  • Praktisere god personleg hygiene, og produksjons- og næringsmiddelhygiene i samsvar med gjeldande regelverk og kvalitetsstyringssystem.

Bransje, bedrift og miljø

  • Drøfte utviklinga og organiseringa av bedrifta, og kva rammevilkår og faktorar som kan påverke dei økonomiske resultata.