Molekylær gastronomi

Molekylær gastronomi, eller matvitskap som det også kan kallast, er studiar av kjemiske og fysiske endringar som skjer i mat under tilberedning og lagring. All matlaging handlar om kjemi og molekyl, men innanfor dette temaet utforskar ein nye smakar, uvante teksturar og nye verktøy blir teke i bruk. Typiske kjenneteikn for molekylær gastronomi er frysetørking av ingredienser og skum med overraskande smakar – i tillegg til bruk av såkalla hydrokolloider (stoff som dannar gelé). Denne filmen viser litt om dette spennande og omfattande temaet.

Oppgåver

  • 1.

    Kva syns du virkar mest spennande med dette temaet?

  • 2.

    Kva kan ein lære av å studere kjemiske og fysiske endringar som skjer i mat under tilberedning og lagring?

  • 3.

    Korleis tenkjer du at du kan bruke slike produksjonsmetodar og teknologi for å skape spennande rettar?

  • 4.

    Kva slags målgruppe tenkjer du passar for denne måten å lage mat på?

Omgrep

Gastronomi – læra om kokekunsten.

Matvitskap – all forsking på mat, også innanfor industrien.

Molekylær gastronomi – matvitskap kopla opp mot gastronomien.

Teksturar – konsistens, korleis ulike rettar opplevast.

Læreplan

  • Bruke ny produksjonsteknologi.
  • Planlegge og tilberede måltider med vekt på utseende, lukt, smak, konsistens, ernæring og økonomi.