Fargeløype med Sphero-Indi
Fargeløype med Sphero-Indi er ein aktivitet der elevane blir kjende med roboten Sphero-Indi og lærer å programmere han til å køyre ulike løyper. Roboten blir programmert ved hjelp av fargar, og gjennom aktiviteten får elevane utforske korleis fargar kan brukast som symbol for rørsle og retning. Filmen viser korleis andre barn har gjennomført aktiviteten. Han kan gjerne visast til elevane i forkant for å gi dei eit innblikk i korleis aktiviteten fungerer og inspirere dei til å prøve sjølve. For å gjennomføre aktiviteten treng de Sphero-Indi-robotar. Anna materiell finn du under lærarfana.